Бишкек, 04.05.23. /Кабар/. Бишкек шаардык мэриясынан Улуу Ата Мекендик согуштагы Жеңиштин 78 жылдыгы кандай белгиленери тууралуу айтып беришти.
Муниципалитеттен билдиришкендей, 9-майда Жеңиш аянтында 1941-1945-жылдардагы Улуу Ата Мекендик согуштагы Жеңиштин 78 жылдыгына арналган митинг-реквием өтөт.
Ошондой эле 9-майда саат 10:00дө Түштүк дарбазадан “Өлбөс полк-Кыргызстан” акциясы башталат. Марштын катышуучулары төмөнкү маршрут боюнча жүрүшөт: Түштүк дарбаза – Абдрахманов-Фрунзе көчөлөрү - Жеңиш аянты.
Ошондой эле иш-чаралар борбордун бардык райондорунда уюштурулат. Алар менен шилтеме аркылуу тааныша аласыздар.
Борбор калаанын мэриясы шаар тургундарын жана конокторун келе жаткан Жеңиш майрамы менен куттуктап, иш-чараларга катышууга чакырат.
Пикир
Оставить комментарий