Бишкек, 04.10.21. /Кабар/. Бишкекте өзгөчө оор кылмышты жасоого шектелип издөөдө жүргөн жаран кармалды. Бул тууралуу талас облустук милициясынын басма сөз кызматы билдирет.
Маалыматка ылайык, Талас облусунун Кара-Буура районунун тургуну 1971-жылы туулган Б.Б. зордуктоо беренеси менен шектелип, тергөө амалдарынан изин жашырып качып жүргөндүгүнө байланыштуу, 2021-жылдын июнь айында Кара-Буура райондук милиция тарабынан издөө жарыяланган.
Милиция кызматкерлеринин ыкчам иш жүргүзүүлөрүнүн натыйжасында аталган жаран Бишкек шаарынан кармалып, Кара-Буура РИИБне алынып келинди.
Учурда шектүүгө карата соттук өндүрүштүн алкагында тергөө амалдары жүргүзүлүп жатат.
Пикир
Оставить комментарий