Бишкекте Жеңиш жана шаар күнү массалык түрдө майрамдалбайт

Бишкек, 20.04.21. /Кабар/. Бишкекте Жеңиш жана шаар күнү массалык түрдө майрамдалбайт. Бул тууралуу шаардык мэриянын басма сөз кызматы билдирди.

Маалыматка ылайык, борбор калаада эпидкырдаал кооптуу болууда.

Бишкекте пандемия маалында коронавирус жалпы 32 миң 649 адамдан катталды. Ал эми 20-апрелге карата 117 учур аныкталды. Мындан улам аталган майрамдарды массалык түрдө белгилөөгө тыюу салынды.

Эскерте кетсек, Жеңиш күнү 9-майда, шаар күнү 29-апрелде белгиленет.