Бишкек, 07.03.21. /Кабар/. Бишкектеги "Алтын-Тоо" базарынын аймагындагы кездеме саткан дүкөндөн чыккан өрт толугу менен өчүрүлдү. Бул тууралуу Өзгөчө кырдаалдар министрлигинин (ӨКМ) маалымат кызматы билдирет.
ӨКМдин билдирүүсүнө караганда, өрт 6-мартта болжол менен саат 20:33тө чыккан.
Кездеме саткан дүкөндөн чыккан өрттүн жалпы аянты 450 чарчы метрди түзүп, имараттын 200 чарчы метр аянты жана кездемелер күйгөн.
Өрттү өчүрүүгө 4 өрт өчүрүүчү бөлүм, Штаб, Бишкек шаардык куткаруу кызматынан 5 куткаруучу, ККББнын ППУ менен ыкчам топ тартылган. Ошондой эле Ички иштер министрлигинен 2 экипаж жана Тез жардам кызматынан 1 бригада тартылган.
Өрт түнкү саат 00:01де чектөөгө алынып, толугу менен бүгүн күндүзгү саат 13:23тө өчүрүлгөн.
Өрттүн келип чыгуу себептери такталууда.
Белгилей кетсек, буга чейин өрт "Дордой" базарынын аймагындагы контейнерлердин биринен чыккандыгы кабарланган болчу.
Пикир
Оставить комментарий