Бишкекте таштанды полигонундагы өрт өчүрүлдү

Бишкек, 17.05.23. /Кабар/. Бишкектеги таштанды полигонунун бир бөлүгүндө пайда болгон өрт толугу менен өчүрүлдү.

Муниципалитеттен билдиришкендей, волонтерлор да процесске кошулуп, чоң колдоо көрсөтүштү.

"Өрттү өчүрүү жаңы технологияларды, атап айтканда, технотация ыкмасын колдонуунун аркасында мүмкүн болду", - деп айтылат маалыматта.

Белгиленгендей, учурда полигондун аймагын иретке келтирүү улантылууда, ошондой эле полигондун бардык периметрине тосмо курулууда.

Белгилей кетсек, иш президент Садыр Жапаров менен борбор калаанын мэри Эмилбек Абдыкадыровдун көзөмөлүндө жүргүзүлүүдө.