Бишкек, 01.10.24. /Кабар/. Бишкектеги Жаштар паркына бак-дарактар отургузулду.
Муниципалитеттен билдиришкендей, көчөт отургузуу акциясына шаар мэринин орун басары Виктория Мозгачева, Индиянын Кыргызстандагы элчилигинин өкүлдөрү катышты.
Иш-чара айлана-чөйрөнү коргоого багытталган.
Белгилей кетсек, Кыргызстанда шаарларды көрктөндүрүүгө жана жашылдандырууга багытталган "Жашыл мурас" улуттук программасы активдүү ишке ашырылууда. Жыл сайын мамлекет көчөттөрдү жана бак-дарактарды отургузуу боюнча ар кандай акцияларды өткөрөт, бул экологиялык абалды жакшыртууга жана жашоочулар үчүн ыңгайлуу шарттарды түзүүгө өбөлгө түзөт.
Буга чейин Бүткүл дүйнөлүк айлана-чөйрөнү коргоо күнүнө карата Индиянын премьер-министри Шри Нарендра Моди Нью-Делиде ыйык инжирдин (Пипал) көчөтүн отургузуу менен көчөт отургузуу акциясын баштаган.
Пикир
Оставить комментарий