Бишкек, 07.06.22. /Кабар/. Биринчи май районунда 20-июндан баштап батуттарга тыюу салынат. Бул тууралуу Бишкек шаардык мэриясынын басма сөз кызматынан билдиришти.
Маалыматта сейил бактардагы балдар ойноочу батуттар биринчи кезекте бөбөктөрдүн жана алардын ата-энелеринин коопсуздугуна чоң коркунуч туудурары айтылат.
20-июндан баштап Биринчи май районундагы сейил бактарда, скверлерде, тротуарларда, бульварларда батуттарды колдонууга толук тыюу салынат.
"Батуттарды жабык же адистештирилген жайларда, ири соода борборлорунда жана оюн-зоок парктарында гана орнотууга туура келет", - деп кошумчалашты мэриянын басма сөз кызматынан.
Пикир
Оставить комментарий