Бишкек, 14.06.24. /Кабар/. Автопоезддер транспорт каражаты катары таанылды.
Муниципалитеттен билдиришкендей, мындай кортунду Юстиция министрлигинин алдындагы Соттук-эксперттик кызматы тарабынан чыгарылды.
Корутунду шаардыктардын жана борбор калаанын конокторунун жөө жүрүү коопсуздугуна тынчсызданган көптөгөн даттанууларына жооп иретинде чыгарылган.
Соттук-эксперттик кызматтын корутундусуна ылайык, автопоезд транспорттук каражат катары таанылып, ал отургучтары бар сүйрөөчү жана чиркегичтерден турат жана төмөнкү элементтер менен келет:
- көз карандысыз электр булагы менен иштеген электр кыймылдаткычы;
- рул башкаруу;
- дөңгөлөктөр;
- диск токтоткучтары (тормозу).
Белгилей кетсек, Ала-Тоо аянтында автопоезддерге каршы түнкү рейддин жүрүшүндө КР “Укук бузуулар жөнүндө” Кодексинин 192-беренесинин 2-бөлүгүнө ылайык укук бузуучуларга карата эки протокол түзүлгөн.
Системалуу түрдө бузуулар болгондо КР “Укук бузуулар жөнүндө” кодексинин 184-беренесинин 2- бөлүгү боюнча жоопкерчиликке алып келет.
Бишкек мэриясы жарандардан коопсуздукту камсыз кылуу максатында автопоезддин кызматын колдонбоону суранат, көрсөтүлгөн транспорт каражаттарынын кыймылы аныкталган учурда 102 кыска номери боюнча кабарлап коюуну өтүнөт.
Пикир
Оставить комментарий