Борбордун көчөлөрүн жарыктандыруу уланууда – Бишкек мэриясы

Бишкек, 18.11.20. /Кабар/. "Бишкекжарык" муниципалдык ишканасы Октябрь районундагы сырткы жарык тармактарын модернизациялоо боюнча иштерин улантууда.

Муниципалитеттин басма сөз кызматы билдиргендей, ишкананын кызматкерлери Ботанический жана Садовый чолок көчөлөрүнө тышкы жарыктандырууну орнотту. Азыр 12 светодиоддук чырак аталган көчөлөрдүн жолдорун жарык кылууда.

Ошондой эле Анкара көчөсү Субан-Ата көчөсүнөн Ауэзов көчөсүнө чейин 2 миң 610 метр, ошондой эле Саманчин көчөсүнүн Б.Баатырдан №17 үйгө чейин 600 метр жылаңач зым өзүн-өзү камсыз кылган изоляцияланган зым менен алмаштырылды.

“Жарыктандыруу №3, №6, №7, №8, №10 кичи райондорунда - №40, 41, 42, 28, 29, 30, 30а, 20, 21, 22, 25, 26, 27, 28 үйлөрүнүн короолорунун ичинде жүргүзүлүп, тышкы жарыктандыруу үчүн 70 түркүк, 84 чырак орнотулуп, 2 миң 900 метр электр чубалгылары тартылды.

Ташкөмүр көчөсү Политехнический көчөсүнүн батыш тарабынан баштап тышкы жарыктандыруу үчүн жаңы темир бетон түркүктөр орнотулуп, ага 10 светодиоддук чырак орнотулду”, - деп айтылат билдирүүдө.

Мэриядан билдиришкендей, эгерде сиздин көчө караңгы болуп калса, сиздер үчүн дайыма ишкананын авариялык-диспетчердик кызматы иштейт: (0312) 46-30-89, 57-63-51, ошондой эле 0777 902-115 WhatsApp номуру аркылуу жазуу түрүндө кайрылсаныздар болот.

"Бишкекжарык" МИ соцтармактарда дагы бар:

Facebook: https://www.facebook.com/Bishkeksvet312

Instagram: @mp_bishkeksvet

Twitter: @Bishkeksvet