• 87.86
  • 93.94
  • 1

Бостериде жергиликтүү тургун эс алууга келген 6 жашар баланы сүзүп кетти

Кырсык 0

Бишкек, 3-август /Нуркыз Сабырова – Кабар/. Бостери айылындагы “Кыргызское взморье” эс алуу жайынын аймагында жергиликтүү тургун кокустуктан үй-бүлөсү менен эс алууга келген 6 жашар баланы сүзүп алган.

Милиция кызматкерлеринин билдиришинче, кырсык болжолу менен кечээ саат 19:00дө болгон. “Хонда фит” унаасынын айдоочусу 23 жаштагы А. Т., пансионаттан өтүп баратып, жолго чыга калган баланы көрбөй калган.

Баланы Чолпон-Ата шаарындагы ооруканага жеткиришкен. Соттук-медициналык экспертиза дайындалды, машина унаа токтотуучу жайга токтотулду.

Мурдараак ММКда жол кырсыгынан баланын апасы дагы жабыркаганы жазылган, анткен менен облусттук ички иштер бөлүмүнүн басма сөз кызматы бул маалыматты четке какты.

Пикир

Оставить комментарий