Бишкек, 23.12.20. /Кабар/. Борбордук шайлоо комиссиясына үгүт өнөктүгү бузулгандыгы тууралуу 24 билдирүү келип түшкөн. Бул тууралуу Бишкектеги маалымат жыйынында БШКнын төрайымы Нуржан Шайлдабекова билдирди.
Анын айтымында, алардын ичинен БШКга 13 арыз түштү. "13түн ичинен экөө добуш сатуу, бирөө бейбаштык, дагы экөө жалган үгүт материалдарын жайылтуу, калгандары үгүт иштеринин эрежелеринин бузулушу боюнча арыздар түшкөн", - дейт ал.
Шайлдабекова белгилегендей, 13 арыздын сегизин БШК карап чыкты. "Биз бир гана арыздарга эмес, ЖМКлар жарыялаган материалдарга да көңүл буруудабыз", - деди ал.
Пикир
Оставить комментарий