Бишкек, 06.03.22. /Кабар/. Будапешт шаарында өтүп жаткан HUNGEXPO «Travel Show Budapest 2022» Эл аралык туристтик көрмөсүнүн алкагында КР Маданият, маалымат, спорт жана жаштар саясаты министринин орун басары - туризм департаментинин директору Самат Шатманов Венгриядагы Түрк мамлекеттер уюмунун өкүлчүлүгүнүн аткаруучу директору Янош Ховари менен жолукту. Бул тууралуу Туризм департаментинен кабарлашты.
Маалыматка ылайык, жолугушуу алкагында Шатманов Янош Ховари менен кыргыз-венгр туризм тармагын мындан ары чыңдоо жана туруктуу туризмди өнүктүрүү жөнүндө пикир алмашты.
Ошондой эле Будапешт шаарында Кыргызсандын маданий күндөрүн жана туристтик көргөзмө-жарманкесин уюштуруу талкууланды. Жолугушууда КАТО, КАТОС туристтик ассоциацияларынын жетекчилиги жана Хельветас уюмунун "Гринтур" долбоорунун өкүлдөрү катышты.
Шатманов Түрк мамлекеттер уюмуна ыраазычылыгын билдирип, бир тууган венгр элинин меймандостугун өзгөчө белгиледи.
Пикир
Оставить комментарий