Бишкек, 21.07.23./Кабар/. 2023-жылдын 6 айында жол тармагы боюнча жалпы каржылоо 3 млрд 289 млн 800 миң сомду, же ушул жылга каралган каражаттардын 52%ын түздү. Бул тууралуу КР министрлер кабинетинин жыйынында транспорт жана коммуникациялар министри Тилек Текебаев билдирди.
Анын айтымында, быйылкы жылы жалпы пайдалануудагы жолдорду куруу жана оңдоого жалпысынан 6 млрд 350 млн 700 миң сом каралган, анын ичинен:
- капиталдык салымдар беренесинен – 1 млрд 100 млн сом;
- учурдагы бюджеттен – 2 млрд 427 млн 900 мин сом;
- казыналык милдеттенмелер менен – 2 млрд 822 млн 800 миң сом (каржыланганы – 240 млн сом)
"Былтыркы жылдын 6 айында каржылоо 4 млрд 183 млн 475 миң сомду түзгөн, бул быйылкы жылдагыдан 893 млн 675 миң сомго көптүк кылган", - деди министр.
Текебаев белгилегендей, жол тармагын каржылоо акыркы 3 жылда кескин өзгөрдү. 2020-жылга салыштырмалуу 2022-жылы жол тармагын каржылоо 6,4 эсеге, ал эми 2010-жылга салыштырмалуу 5,2 эсеге, 2015-жылга салыштырмалуу 2,3 эсеге өскөн.
Пикир
Оставить комментарий