Бишкек, 13.06.22./Кабар/. Быйыл былтыркыдай сугат суу көйгөйү болбойт. Бул тууралуу Бишкекте өткөн брифингде айыл чарба министри Аскарбек Жаныбеков билдирди.
Анын айтымында, быйылкы жылы жаан-чачынга жана сугат суусунун берилишине байланыштуу түшүмдү жоготуу болбойт.
“Өткөн жылдагыдай сугат суу маселеси болбойт. Биринчиден, биз сугат тармагын быйылкы жылдын вегетациялык мезгилине даярдоо боюнча олуттуу иштерди жүргүздүк. Республикалык бюджеттен 6 эсе көп каражат бөлүнүп, суу адистери сугат тармагын даярдоого 630 млн сом жумшады. Бул даярдыктар жана болуп жаткан жаан-чачын түшүмдүн мол бошуна шарт түзөт деп ойлойм”, - деди ал.
Министр кошумчалагандай, сугат суусун бир эле учурда бардык каналдар аркылуу жеткирүү мүмкүн эмес, бирок тартипти сактоо менен маселени чечсе болот.
Пикир
Оставить комментарий