Бишкек, 27.01.20. /Кабар/. Кыргызстандын футзал боюнча кыздар курамасы (19 жашка чейин) CAFA-2020 чемпионатындагы үчүнчү беттешинде Тажикстандын курамасын жеңип алды. Бул тууралуу КР Футбол федерациясынан билдиришти.
Беттеш 26-январда Тажикстандын Душанбе шаарында өттү.
Мелдештин үчүнчү турунда Кыргызстан менен Тажикстандын командалары оюн өткөрдү. Улуттук кураманын оюнчулары атаандашын 2:0 эсебинде артта калтырды.
Эскерте кетсек, CAFA-2020 чемпионатында улуттук курама алгачкы оюнунда Афганистанды 3:0 эсебинде утса, экинчи оюнда Өзбекстандын командасына 4:7 эсебинде жеңилип калган.
Чемпионаттагы үч беттештин кийин тизменин сап башында Иран менен Өзбекстандын командалары турса, Кыргызстан 6 упайы менен үчүнчү орунда келе жатат.
Кыргызстандын кийинки оюну 28-январда Түркмөнстандын командасы менен өтөт.
Пикир
Оставить комментарий