Бишкек, 18-май /Кабар/. КР мамлекеттик орган кызматкерлеринин V спартакиадасында КР Өкмөтүнө караштуу Отун-энергетикалык комплексти жөнгө салуу боюнча мамлекеттик агенттиктин кызматкерлери 1-2-орундарды алышты. Бул тууралуу аталган мамагенттиктин басма сөз кызматы билдирди.
КР Өкмөтүнө караштуу Отун-энергетикалык комплексти жөнгө салуу боюнча мамлекеттик агенттиктин кызматкерлери 2017-жылдын 12-16-майында Каба уулу Кожомкул атындагы спорт сарайында өткөрүлгөн КР мамлекеттик органдарынын кызматкерлеринин спартакиадасына катышты.
Мелдештин жүрүшүндө катышуучулар: футбол, волейбол, бильярд, теннис, жеңил отлетика жана башка спорттун 12 түрү боюнча ат салышты.
Иш-чара быйыл бешинчи ирет Кыргыз Республикасынын Өкмөтүнө караштуу жаштар иштери, дене тарбия жана спорт боюнча мамлекеттик агенттиги тарабынан уюштурулду.
Спартакиаданын жыйынтыгында Кыргыз Республикасынын Өкмөтүнө караштуу Отун-энергетикалык комплексти жөнгө салуу боюнча мамлекеттик агенттиктин кызматкерлери:
1-орун: - 50-55 жаштагы айымдар арасындагы дене тарбия көнүгүүлөрү боюнча, диплом жана медаль менен Тыналиева Айнура;
2-орун: - 90 киллограмм салмактагы мырзалар арасындагы кол күрөш боюнча диплом жана медаль менен Асан уулу Талгат;
2-орун: 35 жашка чейинки кыздар арасында 500 метрге чуркоо боюнча диплом жана медаль менен Эрик кызы Айгерим сыйланышты.
Пикир
Оставить комментарий