Бишкек, 15.03.24. /Акназик Тургунбаева – Кабар/. Чүй облусунда окуучуларды сүзүп качкан айдоочу кармалды. Бул тууралуу Чүй облустук милициясынын ЖКККБнын басма сөз кызматынан билдиришти.
Окуя 13-мартта болжол менен саат 15:04тө Ысык-Ата районунун Люксембург айылында жайгашкан Ваккер атындагы орто мектебинин жанында болгон. Анда жөө өтмөктөн өтүп бара жаткан 4-класстын окуучуларын белгисиз айдоочу унаасы менен сүзүп, из жашырган.
Облустук милициянын ыкчам аракетинин натыйжасында, кылмышка шектүү делип 24 жаштагы М.у А. кармалган. Шектүү Ысык-Ата райондук ички иштер башкармалыгынын тергөө кызматына өткөрүлүп берилди. Ал эми Mercedes-Benz үлгүсүндөгү автоунаасы айып короо жайына токтотулду.
Эске салсак, шектүү Чүй облусунун ЖКККБ кызматкерлери тарабынан 14-15-март күндөрү өткөрүлүп жаткан “Автоиздөө” аттуу рейддик иш-чаранын алкагында табылган.
Учурда тергөө иштери уланууда.
Пикир
Оставить комментарий