Чүйдө өспүрүмдөр арасында ушу саньшоу боюнча өлкө биринчилиги өтөт

Бишкек, 20.04.23. /Кабар/. Чүйдө өспүрүмдөр арасында ушу саньшоу (саньда) боюнча өлкө биринчилиги өтөт. Бул тууралуу Дене тарбия жана спорт департаментинен билдиришти.

Маалыматка ылайык, мелдеш 11-14-май күндөрү Шопоков шаарында болот.

Катышуучулар төмөнкү салмак категорияларында күч сынашат:
2006-2007-ж.т арасында: 45, 48, 52, 56, 60, 65, 70, 75, 80 кг;
2008-2009 ж.т арасында: 39, 42, 45, 48, 52, 56, 60, 65, 70 кг;
2010-2011 ж.т арасында: 33, 36, 39, 42, 45, 48, 52, 56, 60 кг.

Белгилей кетсек, аталган мелдеш Спорттун олимпиадалык эмес түрлөрү боюнча дирекциясы жана Кыргызстандын ушу саньда федерациясы тарабынан уштурулууда.