• 89.02
  • 94.77
  • 0.95

Чек ара чыры. Кыргызстан менен Тажикстандын делегациясы протоколго кол коюшту

Аймак 0

Бишкек, 14.04.22. /Кабар/. 2022-жылдын 14-апрели, саат 08:30га карата мамлекеттик чек аранын кыргыз-тажик тилкесиндеги кырдаал салыштырмалуу туруктуу деп мүнөздөлүүдө, - деп билдирет КР Улуттук коопсуздук мамлекеттик комитетинин Чек ара кызматынын маалымат жана коммуникация башкармалыгы.

Маалыматка ылайык, кечээ, 13-апрелде, саат 18:00дөн 18:30га чейин Кыргызстан менен Тажикстандын делегацияларынын жолугушуусу болуп өттү. Кыргыз делегациясын КР УКМКнын төрагасынын биринчи орун басары – Чек ара кызматынын директору Уларбек Шаршеев жетектеди. Ал эми тажик делегациясын Тажикстандын Улуттук коопсуздук мамлекеттик комитетинин төраганын биринчи орун басары – Чек ара аскерлеринин кол башчысы Раджабали Рахмонали жетектеди.

Сүйлөшүүлөргө Кыргызстандын Баткен жана Тажикстандын Согди облустарынын жетекчилери, эки мамлекеттин аймактык күч түзүмдөрүнүн жана укук коргоо органдарынын жетекчилери катышты.

Сүйлөшүүлөрдүн жүрүшүндө төмөнкүдөй макулдашууларга жетишилди:

- чек арадагы чыр-чатак учурунда чек арага тартылган кошумча күч жана каражаттарды аларды туруктуу жайгаштыруу жайларына алып чыгууну улантсын. Бул чечимдин аткарылышын көзөмөлдөө Тараптардын компетенттүү органдарынын кызматкерлеринин ичинен комиссия тарабынан жүзөгө ашырылат, алар төмөнкүлөрдү жүзөгө ашырат:

- 14-апрелде Лейлек (КР) жана Гафуров (ТР) райондорунда;

- 15-апрелде Баткен (КР) жана Исфара (ТР) облустарында.

Мындан тышкары, Тараптардын чек ара өкүлдөрүнүн ичинен жоопкерчиликтүү аймактар боюнча жумушчу топ түзүлөт, алар Кыргызстандын жана Тажикстандын чек ара кезметтеринин жүрүү маршруттарын тактоо боюнча иштерди жүргүзүшү керек.

Жергиликтүү өз алдынча башкаруу органдары тараптардын укук коргоо органдары менен биргеликте чек арага жакын жайгашкан райондордун жергиликтүү калкына жерди жана сууну биргелешип пайдалануу тартиби жөнүндө мурда жетишилген макулдашууларды сактоо боюнча түшүндүрүү иштерин жүргүзүшү керек.

Тараптардын чек ара өкүлдөрү чек ара ведомстволорунун аскер кызматкерлери тарабынан чек аранын кыргыз-тажик тилкесинде чек арачылардын өзүн-өзү алып жүрүү талаптарын так аткарууну камсыз кылууга милдеттүү.

Жолугушуунун жыйынтыгында делегация башчылары протоколго кол коюшту.

Пикир

Оставить комментарий