Бишкек, 11.10.17 /Кабар/. Челябинскдеги жол кырсыгынан Кыргызстандын 8 жараны жабыркаган. “Комсомольская правда – Челябинск” билдиргендей, “Хонда” минивени каршы тилкеге чыга калып, жүк ташуучу унаа менен кагылышкан. Кырсык 10-октябрда “Западный обход Челябинска” трассасында болгон.
“Хонданын” бардык жүргүнчүлөрү жабыркаган. Алар Челябинск ооруканасына жеткирлди. Жүк унаасынын айдоочусу жеңил жаракат алган.
“Кырсыктан 8 адам жабыркаган, - деп билдиришти Челябинск облусунун жол кыймылынын коопсуздугу башкармалыгы. – Жарааттары оорлор облустук, калгандары шаардык ооруканага жеткирилген”.
Учурда шаардык инспекторлор кырсыктын чоо-жайын иликтөөдө. Минивендин номери чет элдик болгону, андагы жүргүнчүлөр –Кыргызстандын жарандары экени белгилүү. Унаа мекенине келе жаткан.
Кырсыктын себеби – кичи автобустун айдоочусунун уктап кеткени экени айтылууда.
Пикир
Оставить комментарий