Бишкек, 25.02.21. /Кабар/. Чолпон-Атада катуу шамал катталып, турак үйдүн чатырын учуруп кетти. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Ысык-Көл облусунун Ысык-Көл районундагы Чолпон-Ата шаарында саат 15:00 чамасында секундасына 22 метрге чейин жеткен шамал катталган. Шамалдын кесепетинен Совет көчөсүндө жайгашкан №216 турак үйдүн чатыры учкан.
Жерине 3 куткаруучу тартылып, шамалдын кесепеттерин жоюшкан. Абалды тактоо максатында райондук Жарандык коргонуу комиссиясы иш алып барууда.
Учурда Балыкчы шаарында секундасына 24 метрге чейин жеткен шамал катталууда. Кошумча маалымат берилет.
Пикир
Оставить комментарий