Бишкек, 31.03.22. /Кабар/. Бүгүн, 31-мартта Жайыл райондук милициясынын жетекчилиги жана өздүк курамы аутизм жана церебралдык шал сыяктуу эң татаал ооруларга чалдыккан балдар үчүн «Өмүр-Белеги» реабилитациялык борборуна барды. Бул тууралуу Чүй облустук милициясынын басма сөз кызматы билдирет.
Маалыматка ылайык, борборго милиция тарабынан таттуу, тамак-аш, жемиш, кир жуучу каражаттар жана оюнчуктар түрүндөгү гуманитардык жардам берилди.
Эскерте кетсек, Бүткүл дүйнөлүк аутизм жөнүндө маалымдоо күнү 2008-жылдан бери жыл сайын 2-апрелде белгиленип келет.
Пикир
Оставить комментарий