Бишкек, 27.04.20. /Кабар/. Чолпон-Ата шаарынын борбордук базарында эркек киши Ысык-Көлдө байырлаган балыкты мыйзамсыз сатып жаткан.
Мамэкотехинспекциядан билдиришкендей, алынган маалыматтан соң ведомствонун кызматкерлери милиция кызматкерлери менен биргеликте базарга келишкен. Алар балык сатып жаткан адам Бактуу-Дөлөнөтү айылынын А.М. аттуу тургуну экендигин аныкташкан. Ага карата акт түзүлүп, жаныбарлар дүйнөсүнө 14 миң 140 сом чыгым келтирилгендиги аныкталды.
Толтурулган документтер ички иштер органдарына өткөрүлүп берилди.
Пикир
Оставить комментарий