COVID-19 боюнча акыркы маалыматтар. Жаңы 69 учур катталып, 274 киши сакайды

Бишкек, 11.02.22. /Кабар/. Кыргызстанда 11-февралга карата коронавирус 69 адамдан аныкталды. Бул тууралуу Саламаттык сактоо министрлиги билдирет.

Маалыматка ылайык, анын ичинде Бишкек шаарында – 31, Чүй облусунда – 16, Талас облусунда – 3, Ысык-Көл облусунда – 10, Жалал-Абад облусунда – 5, Баткен облусунда – 4 адамдан илдет табылган.

Акыркы суткада 274 адам илдеттен сакайып чыкты, үч бейтап каза болду.

Бүгүнкү күндө стационарларда коронавирустан 585 бейтап, амбулатордук түрдө 2 миң 597 адам дарыланууда.

Кыргызстанда пандемия башталгандан бери 199 миң 890 адам коронавирус жуктурган. Алардын ичинен 192 миң 232 киши айыгып чыкса, 2 миң 920 адам каза болду.