Бишкек, 15.08.20. /Кабар/. Талас облусунун Көк-Ой айылындагы «Талас райондук үй-бүлөлүк медицина борборунун капиталдык оңдоп-түзөө иштери 40%га аткарылды. Бул тууралуу республикалык штабдан билдиришти.
Учурда объекттин жылытуу системасы жаңыртуу иштери 100% га аяктап, саркынды сактоочу жайды орнотуу, жер казуу иштери жана шагыл менен тегиздөө жумуштары бүткөрүлгөн. Электртутумдар жана сантехникалык түтүктөр, санитардык түйүндөр кайрадан орнотулууда.
Ошондой эле, чатырдын жыгач конструкциялардын элементтерин алмаштыруу иштери 70%га, терезе орнотуу иштери 55%га аткарылып, операция бөлүмдөрүндө кафелдер чапталууда. Экинчин жана үчүнчү кабаттардагы шыбак жана жасалгалоо жумуштары 60 %га аткарылып, желдетүү тармагы калыбына келтирилүүдө.
Жалпы аянты 4 миң 682 чарчы метрди түзгөн объекттин оңдоо иштери республикалык бюджеттин эсебинен каржыланууда.
Пикир
Оставить комментарий