Бишкек, 22.03.20. /Кабар/. Ысык-Көл облусуна адамдардын жана автоунаа каражаттарынын кирип-чыгуусуна убактылуу чектөө киргизилди. Бул тууралуу республикалык штабдан билдиришти.
Маалыматка ылайык, өлкө аймагында өзгөчө кырдаал жарыялангандыгына байланыштуу Ысык-Көл облустук ыкчам штабынын чечими менен дубанга адамдардын жана автоунаа каражаттарынын кирип-чыгуусуна убактылуу чектөө киргизилди.
"Аны менен бирге өтө зарылчылыгы жок болгон район, шаарлар аралык транспорттук каттамдар да убактылуу чектелет. Өзгөчө кырдаал учурунда ооруканалар, дарыканалар, азык-түлүк сатуучу жайлар, жергиликтүү өзүн-өзү башкаруу органдары жана мамлекеттик мекемелер кадимки тартипте иштейт", - деп айтылат маалыматта.
Учурда Ысык-Көл облусунун аймагынын кире беришинде күнү-түнү иштей турган 2 санитардык-карантиндик көзөмөлдөө посту орнотулуп, анда дарыгерлер, ИИМ жана ӨКМдин облустагы башкармалыгынын өкүлдөрү, мамлекеттик жана муниципалдык кызматкерлер иш алып барууда.
Пикир
Оставить комментарий