Бишкек, 15.12.20. /Кабар/. Дүйнө жүзү боюнча 387 ЖМК кызматкери кесиптик ишмердүүлүгүнө байланыштуу түрмөдө жазасын өтөөдө. Бул тууралуу “Чек арасыз кабарчылар” укук коргоо уюмунун баяндамасында айтылат.
Алардын теңинен көбү Кытай, Сауд Арабиясы, Египет, Вьетнам жана Сириядагы түрмөлөрдө отурушат.
2020-жылы 50дөн ашуун журналист дайынсыз жоголгон же Сирияда, Иракта жана Йеменде туткунда.
Өткөн жылга салыштырмалуу түрмөгө камалган аял-журналисттердин саны 35 пайызга – 31ден 42ге чейин көбөйгөн.
“Чек арасыз кабарчылар” уюмунун журналисттерди кыйноого байланыштуу баяндамасы 1995-жылдан бери жарыяланып келет.
Пикир
Оставить комментарий