Бишкек, 17.07.24. /Кабар/. Бишкектеги Дордой базарында калкка убактылуу акысыз медициналык кызмат көрсөткөн эки мобилдүү клиника иштеп жатат. Бул тууралуу Саламаттык сактоо министрлигинен билдиришти.
Ведомстводон белгилешкендей, базардын жумушчулары менен базарга келгендер 19-июлга чейин бир катар ооруларга каршы текшерүүдөн өтө алышат.
Мобилдик клиникалар төмөнкү кызматтарды көрсөтөт:
- жалпы практикалык врачтын жана акушер-гинекологдун консультациясы;
- АИВке, В жана С вирустук гепатиттерине, сифилиске тестирлөө;
- ички органдардын УЗИсине;
- Гепатит В, С, сифилис, АИВ инфекциясынын алдын алуу боюнча санитардык-агартуу иштери;
- ошондой эле вирустук гепатиттин В түрүнө каршы эмдөө жүрүп жатат.
Белгиленгендей, мобилдик клиникалар 09:00дөн 18:00гө чейин иштейт. Көчмө клиникада дарыгерлер күнүнө 80ге жакын адамды кабыл ала алат. Дордой базарындагы иштер аяктагандан кийин мобилдик клиникалар бекитилген график боюнча Сокулук районунун Шопоков шаарына барат.
Пикир
Оставить комментарий