Бишкек, 03.01.23. /Кабар/. Кыргызстан менен Сириянын футбол курама командалары Дубайда контролук беттеш өткөрөт. Бул тууралуу Кыргыз футболдук союзунан билдиришти.
Оюн 5-январда болот. Беттеш машыктыруучулук мүнөзгө ээ болуп, жабык режимде жана эфирсиз өтөт.
Белгилей кетсек, учурда "Ак шумкарлар" 2023-жылкы Азия Кубогуна даярдыктын акыркы этабын баштады.
Эскерте кетсек, Азия Кубогу-2023 2024-жылдын 12-январынан 10-февралына чейин Катарда өтөт. Кыргыз курама командасы F тайпасында Оман, Сауд Аравия жана Таиланд курамалары менен ойнойт.
Алдыда боло турган Азия чемпионатына катышуу улуттук кураманын тарыхында экинчи болуп калмакчы. Футболчулардын астында Азия Кубогуна жана 2026-жылы өтө турган дүйнөлүк чемпионатка жолдомо алууга күрөштү улантуу үчүн Азиянын 18 мыкты командасынын бири болуу милдети турат.
Оюндардын жүгүртмөсү: 16-январь | 1-оюн күнү
| Таиланд | 20:30 | Кыргызстан | Абдулла бин Халиф стадиону |
| Сауд Аравия | 23:30 | Оман | Халифа стадиону |
21-январь | экинчи 2-оюн күнү
| Оман | 20:30 | Таиланд | Абдулла бин Халиф стадиону |
| Кыргызстан | 23:30 | Сауд Аравия | Ахмат бин Али стадиону |
25-январь | 3-оюн күнү
| Кыргызстан | 21:00 | Оман | Абдулла бин Халиф стадиону |
| Сауд Аравия | 21:00 | Таиланд | Эдьюкейшн сити стадиону |
Пикир
Оставить комментарий