Бишкек, 19.08.21. /Кабар/. "Евразия экономикалык биримдигинин экономикасын өнүктүрүүдө коммерциялык кызыкчылыктарга негизделген масштабдуу долбоорлор чоң роль ойношу керек”,-деди Евразия экономикалык Коллегиясынын төрагасы Михаил Мясникович “ЕАЭБде бизнес-өнөктөштүк үчүн жаңы чакырыктар жана мүмкүнчүлүктөр” аттуу III кыргыз-коссия бизнес-форумунда.
Иш-чара Чолпон-Атада Евразия өкмөттөр аралык кеңешинин жыйынын алдында өттү.
ЕЭК биргелешкен ишканаларды – евразиялык трансулуттук компанияларды түзүү үчүн жаңы шыктандыруу инструменттерин иштеп чыгууну сунуштады. Бул комиссиянын Евразия өнүктүрүү банкынын (ЕАӨБ) кооперациялык долбоорлорун каржылоого катышуу, Евразия турукташтыруу жана өнүктүрүү фондунун ресурстарын колдонуу, ошондой эле мамлекеттер аралык программалардын жана долбоорлордун механизми.
Мясникович 2021-жылы ЕАЭБдин экономикасындагы өсүү динамикасын белгиледи. “Биринчи жарым жылдыкта өнөр жай өндүрүшүнүн көлөмү 4,4%га, кайра иштетүү өндүрүшү 6,5%га өстү. Биримдикте керектөөгө суроо-талап 9%га өстү, ал эми жумушсуздук 2 эсеге кыскарды. Товарлардын өз ара соодасы 31,9%га өскөнүн көрсөттү. Ошондой эле Биримдик мамлекеттеринин ортосундагы кооперативдик жеткирүүлөрдүн көлөмүнүн 25% га өсүшү катталган",-деди ал.
ЕЭК Коллегиясынын төрагасынын айтымында, Комиссия евразиялык бизнестин тышкы рынокторго биргелешип кирүүсү үчүн шарттарды түзүү зарылдыгын байкоодо. 2021-жылдын биринчи жарым жылдыгында тышкы соода 24,5%га өскөн, бирок бул жетишсиз. ЕАЭБдин тышкы соодасынын көлөмү дагы эле дүйнөлүк сооданын 2% ын түзөт.
Пикир
Оставить комментарий