Бишкек, 19.04.21. /Кабар/. Египетте поезд кырсыгынан 11 адам каза болуп, 98и жаракат алды, деп билдирет араб республикасынын саламаттык сактоо министрлиги.
Мындан мурда “Аль-Арабия” телеканалы Каирдин түндүгүндөгү Кальюбия провинциясындагы темир жол кырсыгынан 8 адам каза болгонун айткан.
Поезд Эль-Мансур шаарынан Каирге келе жаткан.
“Темир жол кырсыгынан 11 адам каза болуп, 98и жаракат алды”, - деп айтылат саламаттык сактоо министрлигинин билдирүүсүндө.
Египеттин темир жол башкармалыгынын маалыматы боюнча, 4 вагон рельстен чыгып, оодарылып кеткен.
Марттын аягында дагы Египеттин Сохаг провинциясында эки поезд кагышып, 19 адам каза болуп, 185и жаракат алган.
Булак: РИА Новости
Пикир
Оставить комментарий