Бишкек, 14.12.22. /Кабар/. Экономика жана коммерция министрлиги Кыргызстанда оюн-зоок иштерине карата салыктын ставкасын төмөндөтүүнү сунуштоодо. Тиешелүү токтомдун долбоору коомдук талкууга чыгарылды.
Министрлер кабинетинин "Оюн-зоок иштерине салыктын ставкасын белгилөө жөнүндө" токтомунун долбоору Салык кодексинин 453-беренесин ишке ашыруу, ошондой эле Кыргызстандагы кумар оюндарынын субъекттеринин ишмердүүлүгүнө жагымдуу шарттарды түзүү жана өлкөгө кошумча инвестицияларды тартуу максатында иштелип чыккан.
Казинодогу 1 оюн столу үчүн 2022-жылы — 750 миң сом, 2023-жылы — 1 миллион сом, 2024-жылдан тарта — 1,25 миллион сом.
1 оюн автоматы жана компьютердик симулятор үчүн: 2022-жылы — 50 миң сом, 2023-жылы 75 миң сом, 2024-жылдан тарта — 100 миң сом.
Министрлер кабинети тарабынан демилгеленип жаткан токтомдо казинонун 1 оюн столу үчүн ставканы 1,6 эсеге кыскартуу сунушталган (2022-жылы — 450 миң сом, 2023-жылы — 600 миң сом, 2024-жылдан тарта — 750 миң сом). Ал эми оюн автоматы жана компьютердик симулятор үчүн 5 эсеге кыскартуу сунушталууда (2022-жылы — 10 миң сом, 2023-жылы 15 миң сом, 2024-жылдан тарта — 20 миң сом).
Эске сала кетсек, Кыргызстанда казино 10 жыл өткөндөн кийин кайрадан мыйзамдаштырылды.
Пикир
Оставить комментарий