Бишкек, 05.09.24. /Кабар/. Кыргызстандын Беларустагы элчиси Эрбол Султанбаев Беларустун тышкы иштер министри Максим Рыженков менен жолугушту.
Элчиликтен билдиришкендей, жолугушууда кыргыз-беларусь эки тараптуу кызматташуусунун актуалдуу маселелери, анын ичинде биргелешкен иш-чараларды өткөрүү жана эки тараптуу документтерге кол коюуга даярдык көрүү маселелери талкууланды.
Өзгөчө көңүл Кыргызстандын Беларуста жакынкы келечекте пландаштырылган маданият күндөрүн өткөрүү, эки өлкөнүн аймактар аралык кызматташуусун өнүктүрүү маселелерине бурулду.
Тараптар эки өлкөнүн саясий, соода-экономикалык, маданий-гуманитардык жана башка чөйрөлөрдө өз ара кызматташуусунун оң динамикасын ырасташты.
Пикир
Оставить комментарий