Бишкек, 23.09.24. /Кабар/. Доха шаарында Кыргызстандын элчиси Марат Нуралиев Катардын муниципалитет министри Абдулла бин Хамад бин Абдулла Аль-Атия менен жолугушту.
Кыргызстандын тышкы саясий ведомствосунан билдиришкендей, жолугушуунун жүрүшүндө тараптар кыргыз-катар эки тараптуу кызматташтыгын бекемдөөнүн келечегин жана эки өлкөнүн борбор шаарларынын ортосунда тажрыйба алмашуунун жолдорун талкуулашты.
Мындан тышкары, азык-түлүк коопсуздугу жаатында кызматташуу, анын ичинде Кыргызстанда өндүрүлгөн органикалык азык-түлүк продукцияларын Катарга экспорттоо жана Доха шаарында уюштурулган көргөзмө-жарманкелерге кыргыз өндүрүүчүлөрүн катыштыруу маселелери көтөрүлдү.
Жолугушуунун жыйынтыгында сүйлөшүүлөрдүн жүрүшүндө жетишилген макулдашууларды мындан ары ишке ашыруу үчүн тыгыз кызматташууну улантуу макулдашылды.
Пикир
Оставить комментарий