Бишкек, 14.03.24. /Кабар/. Саламаттык сактоо министрлигинин Республикалык иммунопрофилактика борбору калк арасында кызамык оорусунун көбөйүп жатканына тынчсызданууда.
7-мартка карата өлкө боюнча кызамыктын 4 миң 855 учуру катталды. Оорунун активдүү циркуляциясы Бишкек, Ош, Жалал-Абад жана Чүй облустарында байкалууда. Ооругандардын көбү 1 жаштан 4 жашка чейинки балдар. Оору эмдөөдөн баш тарткан үй-бүлөлөрдөн көбүрөөк аныкталууда.
Борбордон белгилешкендей, эмдөөнүн жардамы менен адамзат өз көзөмөлүнө алган оорулардын тизмеси абдан кеңири. Профилактикалык эмдөөлөрдүн календарына ылайык, Кыргызстандын бардык Үй-бүлөлүк медицина борборлорунда жана фельдшердик-акушердик пункттарда көптөгөн ооруларга каршы вакцинаны алууга болот. Төмөнкү ооруларга каршы вакцина акысыз сайылат:
● В гепатити
● Кургак учук
● Кызамык
● Эпидемиялык паротит
● Кызылча
● Көк жөтөл
● Полиомиелит
● Кептөөр
● Селейме
● Гемофилдик инфекция
● Пневмококк инфекциясы
● Ротавирус
● Жатын моюнчасынын рагы
Ошондой эле чоң адамдар COVID-19га жана сасык тумоого каршы вакцинаны сайдыра алышат. Бир катар вакциналарды жеке медициналык борборлордон да алууга болот:
● Менингит
● Кутурма
● Келте
● Суу чечек
● Безгек
● Холера
Пикир
Оставить комментарий