Бишкек, 27.02.22. /Кабар/. Эр-Рияд шаарында (Сауд Аравия Королдугу) Сауд палаталары Федерациясынын штаб – квартирасында «Кыргызстан-Сауд Аравия Падышалыгы» бизнес-форуму өтүүдө. Бул тууралуу КР Инвестиция жана өнүктүрүү боюнча агенттигинен билдиришти.
Маалыматка ылайык, иш-чарада КР министрлер кабинетинин төрагасынын биринчи орун басары Арзыбек Кожошев, Соода-өнөр жай палатасынын директорлор кеңешинин төрагасы Жидд Мухаммед ибн Юсуф Нагинин атынан саламдашуу сөзү менен сөз сүйлөштү.
Иш-чаранын жүрүшүндө сауд тарапка Кыргызстандын туризм, айыл чарба жана транспорттук инфраструктура чөйрөсүндөгү инвестициялык мүмкүнчүлүктөрү тааныштырылды.
Ошону менен бирге ата мекендик продукциянын экспорттук потенциалы жана аны өстүрүү мүмкүнчүлүктөрү сунушталды.
Бизнес-форумга 120дан ашык катышуучу, анын ичинде мамлекеттик органдардын жетекчилери, финансы институттарынын жана агроөнөр жай комплекси, энергетика, өнөр жай, түз технологиялар жана туризм чөйрөсүндөгү 45 ата мекендик компаниялардын өкүлдөрү катышууда.
Ошону менен бирге сауд тараптын бизнес коомчулугу 65 компаниянын санында.
Иш-чара КРнын Инвестициялар жана өнүктүрүү агенттиги, Кыргызстандын Сауд Аравиядагы элчилиги жана Финляндия өкмөтү тарабынан колдоодогу БУУӨПтүн соодага жардам долбоору колдоосунда өтүүдө.
Пикир
Оставить комментарий