Эртең Бишкектин бир бөлүгүндө таза суу жок болот

Бишкек, 18.11.20. /Кабар/. Эртең, 19-ноябрь күнү Бишкектин бир бөлүгүндө таза суу жок болот. Бул тууралуу Бишкек шаарынын мэриясынан билдиришти.

Оңдоо иштерине байланыштуу шаардын Жибек Жолу, Абдрахманов, Фрунзе жана Сүйүнбаев көчөлөрү менен чектелген бөлүгүндө саат 09:00дөн кечки 20:00гө чейин таза суу өчүрүлөт.

“Бишкексууканал” шаар тургундарынан келтирилген ыңгайсыздыктар үчүн кечирим сурап, таза сууну камдап алуусун өтүнөт.