Бишкек, 12.10.17. /Айжамал дуйшоева - Кабар/. Белгилүү ырчы жана композитор, “Ялла” тобунун негиздөөчүсү Фаррух Закиров Кыргызстандын президенти Алмазбек Атамбаевдин “Кыргызстаным” аттуу ырын аткарды.
Фаррух Закиров – советтик жана өзбек ырчысы, актер жана композитор. “Ялла” вокалдык-аспаптык ансамблинин көркөм жетекчиси (1976-жылдан тарта). Өзбек ССРинин, ошондой эле дагы беш мурдагы Советтик өлкөлөрдүн Эл артисти. 2002-жылдын майынан 2004-жылдын июлуна чейин – Өзбекстан Республикасынын маданият министринин орун басары, андан соң - министр.
Эскерте кетсек, “Кыргызстаным” – президент Алмазбек Атамбаевдин бешинчи ыры. Бул президенттин кыргыз тилиндеги биринчи ыры. Буга чейин “Нелепые слова”, “Судьбе назло”, “Я не могу без тебя жить”, “Мне не страшно умирать” ырлары жарыяланган.
Пикир
Оставить комментарий