Бишкек, 06.06.23. /Кабар/. 2023-жылга Айыл чарба министрлигине караштуу Суу чарба кызматына (борбордук аппарат, ведомстволук жана аймактык бөлүмдөр) 4,4 млрд сом каралган. Бул тууралуу Финансы министрлигинен билдиришти.
Маалыматка ылайык, анын ичинен:
- бюджеттик каражаттар жана атайын каражаттар - 1,2 млрд сом;
- мамлекеттик инвестициялык фонддор - 3,2 млрд.
"Бюджеттик каражаттардын 1 млрд сому ирригациялык системаларды оңдоо жана калыбына келтирүү иштерине каралган. Бүгүнкү күнгө 362,1 млн сому бөлүндү", - деп айтылат маалыматта.
Жыл ичинде төмөнкүдөй кошумча каражаттарды бөлүү чечими кабыл алынды:
- жер снаряддарын сатып алууга 199,4 млн сом. Мамлекеттик сатып алуулар жол-жобосун жүргүзүүдө;
- ошондой эле Суу кызматына лизингге атайын техникаларды сатып алууга жакынкы жылдарга 1 млрд сомго жакын каражат каралып, анын 350 млн сому 2023-жылы бөлүнөт.
Пикир
Оставить комментарий