Бишкек, 14.11.19. /Кабар/. Бүгүн, 14-ноябрда футбол боюнча Кыргызстандын курамасы Япониянын командасы менен оюн өткөрөт. Бул тууралуу Футбол федерациясынан билдиришти.
Оюн Бишкек убактысы боюнча саат 17:15те Дөлөн Өмүрзаков атындагы стадиондо өтөт.
Беттеш 2022-жылы боло турган футбол боюнча дүйнө биринчилигинин тандоо турунун алкагында өткөрүлөт.
Кыргызстан F тайпасында Япония, Монголия, Тажикстан жана Мьянманын командалары менен бирге жайгашкан.
Эскерте кетсек, Кыргызстан менен Япониянын курамалары ортосундагы футболдук беттешти көрүүнү каалагандарга Бишкектеги эски аянтта атайын күйөрмандар зонасы уюштурулат. Фан-зона саат 15:15те ачылат.
Пикир
Оставить комментарий