• 88.02
  • 95.49
  • 0.97

Гендердик зомбулукка каршы 16 күндүк. Бишкек мэриясы бир катар иш-чараларды өткөрдү

Коом 0

Бишкек, 13.12.22. /Кабар/. Бишкек мэриясы тарабынан “Гендердин зомбулукка каршы 16 күндүк активдүү аракеттер” акциясынын алкагында иш-чаралар планы иштелип чыккан. Бул тууралуу “Кабар” агенттигинде өткөн маалымат жыйынында Бишкек шаарынын вице-мэри Виктория Мозгачева билдирди.

Анын айтымында, мектеп окуучулары жана студенттер үчүн “Аялдардын жана кыздардын укуктарын коргоо” темасында тегерек столдор, экскурсиялар, маалыматтык лекциялар жана өзүн-өзү коргоо боюнча мастер-класстар өткөрүлдү.

“Калктын маалымдуулугун жана жоопкерчилигин жогорулатуу боюнча массалык маалымат каражаттары менен бир топ иштер аткарылды. Ошондой эле, мектептерде “Мыкаачылык фактыларды жашырбоо” деген темада класстык сааттар өткөрүлдү”, - деди ал.

Ошондой эле вице-мэр КР балдар укуктары боюнча ыйгарым укуктуу өкүл Асель Чыңбаеванын колдоосу менен мектептердин социалдык педагогдору үчүн адискөйлүктү көтөрүүчү курстар уюштурулганын кошумчалады.

Эскерте кетсек, 2022-жылы 23-ноябрда КР министрлер кабинетинин төрагасынын орун басары Эдил Байсалов КРнын гендердин өнүктүрүү боюнча улуттук кеңештин жыйынында “Коркпо! Токтот! Жаша!” урааны менен гендердин зомбулукка каршы 16 күндүк акциянын башталганын жарыялаган.

Пикир

Оставить комментарий