Бишкек, 22.09.21. /Кабар/. Бир сутканын ичинде республиканын аймагында 20 өрт кырсыгы катталып, аларды өчүрүүгө 22 өрт өчүрүү бөлүмдөрү тартылган. Бул тууралуу Өзгөчө кырдаалдар министрлигинин маалымат кызматы билдирди.
Оштун Ноокат районунун Тажик-Кыштак айылында аянты бир чарчы метр болгон мончо күйгөн. Ошол эле райондун Алашан айылында эки кабаттуу турак үйдүн 72 чарчы метр эки бөлмөсү жана тиричилик буюмдары күйгөн.
Нарындын Ак-Талаа районунун Кара-Ой айылында Honda Stepwagon үлгүсүндөгү унаа толугу менен жана бак күйгөн. Өрт электр ширетүү иштеринде өрт коопсуздук эрежелеринин бузулушунан келип чыккан.
Пикир
Оставить комментарий