Бишкек, 28.06.21. /Кабар/. Ош облусунун Кара-Кулжа районундагы Тар дарыясына 24-июнь күнү түнкү саат 22:00дөр чамасында Hyundai Porter үлгүсүндөгү унаа түшүп кеткен. Бул тууралуу Өзгөчө кырдаалдар министрлигинин маалымат кызматы билдирди.
Унаадагы 5 адамдын ичинен 41 жаштагы эркек жана 13 жаштагы кыз куткарылган. 25-июнь күнү 37 жаштагы жана 28 жаштагы аялдардын сөөгү табылган. Учурда 4 жаштагы кыз дайынсыз болууда.
27-июнда 19 куткаруучу, 2 милиция кызматкери, жергиликтүү тургундардан 40 адам тартылып, издөө иштери жүргүзүлгөн. Саат 17:00дө издөө иш-чаралары убактылуу токтотулган.
Бүгүн, 28-июнь күнү иш-чаралар улантылат.
Пикир
Оставить комментарий