ИИМ жарандарды интернет ресурстарды колдонууда сак болууга чакырат (видео)

Бишкек, 01.04.24. /Кабар/. Ички иштер министрлиги (ИИМ) жарандарды интернет ресурстарды колдонууда сак болууга чакырат.

Ведомстводон акыркы убакта интернетте кылмыштуулуктун саны өсүп жаткандыгын билдиришти. Кылмышкерлер атактуу адамдардын, анын ичинде саясатчылардын жана атактуулардын сүрөттөрүн жана жеке маалыматтарын алдамчылык схемаларында көбүрөөк колдонуп жатышат.

Кылмышкерлер сиздин да ишенимиңизге кирип, адаштырууга аракет кылышы толук ыктымал.

Кибер алдамчылык фактылары боюнча маалымдуулукту жогорулатуу жана жарандарга эскертүү максатында КР ИИМнин Кылмыш иликтөө башкы башкармалыгы «Atom» продюсердик студиясы менен биргеликте көптөн бери социалдык роликтерди жаратып келет.

Ички иштер министрлигинин Кылмыш иликтөө башкы башкармалыгы кыргызстандыктарды жана республиканын конокторун сак болууга чакырат, киберкылмышкерлер алдамчылыктын жаңы түрлөрүн жана схемаларын ойлоп таап, өз курмандыктарын туш келди тандап алууда.

Интернетте сак болуунун маанилүүлүгүн унутпаңыз! Интернетте баарлашууда жеке маалыматыңыздан сак болуңуз, шектүү шилтемелерге ишенбеңиз жана купуя маалыматтарды ачыкка чыгарбаңыз. Сиздин коопсуздугуңуз жана купуялыгыңыз эң башкысы экенин унутпаңыз, санариптик коопсуздугуңузга кам көрүңүз!