Бишкек, 12.08.21. /Кабар/. Июль айында кызыл зоналарда иштеген медицина кызматкерлерине кенемте төлөөнүн жалпы суммасы 255 млн 234 миң 855 сомду түздү. Бул тууралуу брифинг учурунда Саламаттык сактоо министрлигинин алдындагы Милдеттүү медициналык камсыздандыруу фондунун төрагасынын орун басарф Клара Өскөмбаева билдирди.
Анын айтымында, июлда медициналык жардам көрсөтүүгө 15 миң 606 медициналык кызматкер тартылган, анын ичинде 3 миң 341 дарыгер, 6 миң 436 медайым, 2 миң 211 санитарка жана 3 миң 618 башка персонал.
Өскөмбаеванын маалыматына караганда, медицина кызматкерлерине кенемте төлөмүнүн жалпы суммасы 255 234 855 сомду түздү, анын ичинде:
- Бишкек шаарына – 118,9 млн сом;
- Ош шаары жана Ош облусуна – 38,1 млн сом;
- Баткен облусуна - 9,8 млн сом;
- Жалал-Абад облусуна –21,1 млн сом;
- Ысык-Көл облусуна – 17,0 млн сом;
- Нарын облусуна -6,6 млн сом;
- Талас облусуна - 5,9 млн сом;
- Чүй облусуна – 37,9 млн сом.
Ал белгилегендей, бул каражаттар саламаттык сактоо уюмдарына ушул жуманын аягына чейин которулат.
Пикир
Оставить комментарий