Бишкек, 06.03.18. /Кабар/. Индиянын Гуджарат штатында үйлөнүү тоюна бара жаткан оор жүк ташуучу унаа көпүрөдөн чыгып кетип, оодарылып 26 адам каза болгон. Маалыматка ылайык, унаанын ичинде коноктор болгон,-деп маалымдайт Zee News телеканалы.
Кырсык өлкөнүн батышындагы Ратжкот жана Бхавнагар шаарларын бириктирип турган жолдо катталган.
Алдын ала маалыматка ылайык, унаанын айдоочусу рулду башкара албай калып, көпүрөдөн чыгып кеткен,-деп билдирет РИА Новости.
ANI агенттигинин маалыматы боюнча, кырсыктын натыйжасында 12 адам жаракат алган, алардын бардыгы ооруканада. Айрым маалыматтарга ылайык, бардыгы болуп унаанын ичинде 60 адам болгон.
Индиянын премьер-министри Нарендра Моди каза болгондордун жакындарына көңүл айтып, жабыркагандардын тез сакайып кетишин каалады.
Пикир
Оставить комментарий