Бишкек, 30.07.20. /Кабар/. Мамлекеттик салык кызматы (МСК) коронавирус инфекциясы пандемиясынын курмандыктарынын элесине карата Кыргызстанда Улуттук аза күтүү күнү деп жарыяланганына байланыштуу СOVID-19 жана пневмониядан каза болгон кесиптештеринин жакындарына көңүл айтат.
МСКнын басма сөз кызматынан кабарлашкандай, июнь-июль айлары аралыгында илдеттен салык органдарынын 7 кызматкери кайтыш болгон.
Алар:
Салык кызматынын борбордук аппаратынын ага инспектору — Турат Имеров;
Тогуз-Торо району боюнча салык органынын бөлүм начальниги — Назгүл Керимакунова;
Октябрь району боюнча салык органынын ага инспектору — Кубатбек Асанкожоев;
Кызыл-Кыя шаары боюнча салык органынын ага инспектору — Авазбек Маманазаров;
Жайыл району боюнча салык органынын ага инспектору — Гүлзада Байгудинова;
Биринчи Май району боюнча салык органынын башкы инспектору — Элмирбек Арзыматов;
Салык кызматынын Ош шаары жана Ош облусу боюнча ири салык төлөөчүлөрдү контролдоо башкармалыгынын начальнигинин орун басары — Кенжеахун Бостонбаев.
Мамлекеттик салык кызматынын жетекчилиги жана жамааты мезгилсиз дүйнөдөн кайткан салык кызматкерлеринин жакындарына жана туугандарына терең кайгыруу менен көңүл айтып, аза кайгыларын тең бөлүшөт.
Пикир
Оставить комментарий