“Кабар” агенттиги жана “WAFA” кызматташуу боюнча келишимге кол койду

Бишкек, 28.08.23. /Кабар/. Кыргыз улуттук “Кабар” маалымат агенттиги менен Палестинанын “WAFA” мамлекеттик маалымат агенттиги кызматташуу боюнча келишимге кол койду.

Аталган келишимге Кыргызстан жана Палестинанын Тышкы иштер министрликтеринин башчылары Жээнбек Кулубаев жана Рияд Аль-Маликинин эки тараптуу жолугушуусунун алкагында кол коюлду.

Келишимге Кыргыз улуттук “Кабар” маалымат агенттигинин атынан агенттиктин директорунун орун басары Улан Чойбеков, ал эми Палестинанын "WAFA" маалымат агенттигинин атынан Палестинанын тышкы иштер жана экспатрианттар министри Рияд Аль-Малики кол койду.