Бишкек, 20.11.24. /Кабар/. Улуттук коопсуздук мамлекеттик комитетинин төрагасы Камчыбек Ташиев бүгүн, 20-ноябрда журналисттерге уюшкан кылмыштуу топтор менен күрөш баштагандан кийин өзүнө жана үй-бүлөсүнө карата коркутуулар болуп жатканын билдирди.
Ташиевдин айтымында, ага кечээ почта аркылуу баштык келген.
"Баштыктын ичинде кат жана флешка болгон. Катта бир нече жолу "жеке Камчыбек Кыдыршаевичке" деп жазылган. Учурда катты ким жөнөткөнүн аныктоо боюнча иштер жүрүүдө", - деди ал.
Ташиев журналисттерге чейин флешканы президентке көрсөткөнүн айтты.
"Президент катты көрүп чыгып, иликтөөнү жана изилдөөнү буйруду. Президент анын мазмуну коомчулукка белгилүү болушу керектигин айтты. Катта мен алардын шарттарын аткарышым керектиги жазылган, антпесе алар мени же үй-бүлөмдү жок кыла турганын айтышкан. Бул жерде түздөн-түз коркутуулар бар. Мен уюшкан кылмыштуу топтор менен күрөш баштаганда, мындай коркутуулар боло турганын билгем. Бирок мен күрөштөн баш тартпайм. Биздин өлкө мыйзамга баш ийген, демократиялуу өлкө", - деп белгиледи Камчыбек Ташиев.
Пикир
Оставить комментарий