Бишкек, 19.07.24. /Кабар/. Министрлер кабинетинин төрагасынын орун басары – УКМК төрагасы Камчыбек Ташиев Ош облусундагы сел жүргөн аймактардагы абал менен таанышууда.
Жеринде Камчыбек Ташиев тик учак менен Ош облусунун жана Ош шаарынын сел каптаган аймактарындагы абалды көрүп чыкты.
Ал өзгөчө кырдаалдар министри Бообек Ажикеевге, президенттин Ош облусундагы ыйгарым укуктуу өкүлү Элчибек Жантаев, Ош шаарынын мэри Бакыт Жетигенов жана тийиштүү жетекчилерге жеринен ыкчам тапшырмалар берүүдө.
Ошондой эле Камчыбек Ташиев селден жабыркаган жергиликтүү тургундардан кабар алып, мамлекет тарабынан даректүү жардамдар көрсөтүлөрүн айтты.
Пикир
Оставить комментарий